Советот на општина Гевгелија на својата 17.седница ја усвои Завршната сметка на Буџетот на општина Гевгелија за 2009 година според која од вкупно планираните приходи од 377.474.885 денари во минатата година биле реализирани 287.133.666 денари или 76,06%.

Вкупно реализираните расходи на Буџетот на општината за 2009 година во однос на реализираните приходи изнесуваат 91,69%. Односно, се реализирани 263.268.389 денари за тековно оперативни расходи и 51.284.011 денари за капитални расходи.

Останале нереализирани 23.865.275 денари расходи, односно се пренесени како приходи во наредната година. Инаку, општина Гевгелија нема никакви долгови, нема издадено заеми, а ниту обврзници и гаранции за финансирање на буџетските корисници.