Советот на општина Гевгелија на својата 17.седница, закажана за 12 март, ќе расправа по Извештајот за работа на градоначалникот на општина Гевгелија за периодот април-декември 2009 година, како и по Завршната сметка на Буџетот на општината.

Исто така, Советот на општината ќе расправа за Кварталниот извештај за извршување на Буџетот на општината за четвртиот квартал од минатата година, извештаите за реализација на програмите за уредување на градежно земјиште и за изградба и реконструклција на локалните патишта и улици во 2009 година.

Покрај ова на дневен ред на седницата на Советот ќе се најдат завршните сметки на јавните установи, повеќе предлог-одлуки, а советниците ќе расправаат и по Програмата за работа на Советот на општината во 2010 година.