За 9 месеци во минатата година за санација, реконструкција и обновување на училишниот простор во општина Гевгелија биле вложени над 12 милиони денари.

Така, во ОУ ˝Владо Кантарџиев˝ децата спортуваат и рекреираат во рекреираната спортка сала, а училишните приредби ги оддржуваат во санираната сала за приредби. Во ова училиште, исто така, е набавена нова опрема, а извршена е и санација во ПУ Богородица. Во ОУ ˝Ристо Шуклев˝ во Негорци извршена е замена на столаријата, набавена е нова опрема, како и извршена реконструкција на санитарните јазли во ПУ Прдејци.

Додека во ОУ ˝Климент Охридски˝ во Миравци санирани се училниците, набавена е опрема, а се уредени и санитарии во ПУ Милетково. Во ОУ ˝Крсте Мисирков˝, покрај санацијата на санитариите и новата ограда, во тек е замената на столаријата, кој зафат ќе чини 3.064.437 денари. Исто така, привршуваат изведбените работи за реновирање на покривот и на подот на спортската сала во СОУ ˝Јосиф Јосифовски˝, кој зафат чини 3,3 милиони денари. А, тоа значи дека уште ова полугодие учениците во центарот ќе можат повторно да ја користат спортската сала.