Огласни табли за добредојде во општина Гевгелија се поставени на главните патишта за влез во општината.

Сите моторизирани граѓани кои влегуваат во општина Гевгелија ги пречекува табла со добредојде на влезот во РМ на преминот кај Богородица и на магистралниот пат крај мостот кај Марвинци, потоа на влезот во општината од Богданци и на локалниот пат Стојаково-Богородица. Покрај овие сообраќајни табли, со вертикална сигнализација се опремени и повеќето крстосници на поголемите сообраќајници, јавни објекти, болници, училишта, детски градинки, како и патоказни табли за влез во сите населени места. За подобрување пак на хоризонталната сигнализација во изминатиов период беше извршено обележување на улиците и локалните патишта, како и на пешачките премини, осовински линии, паркинг простори и автобуски станици.

По барање на граѓаните, а согласно законските прописи на неколку главни сообраќајници, пред објектите наменети за деца и млади, се поставени лежечки полицајци.