Комуналната инспекција најави засилена контрола поради појавата садовите за отпад да се оставаат на улица пред дворните места и во деновите кога отпадот не се собира од страна на комуналното претпријатие.

Комуналната инспекција минатата година донела 44 од кои најголемиот број за отстранување на опрема пред деловни објекти (20) и за отстранување на ситна и крупна стока (12), потоа за испуштање на фекални и отпадни води (6), за заштита на водоводна и канализациона линија (3) и за отстстранување на садови за отпад, амбалажа, хартија (3). Исто така, биле изречени 6 мандатни казни, односно глоба според Законот за јавна чистота, од кои за две е спроведена постапка за порамнување и извршена општокорисна работа во ЈПКД Комуналец.

Од страна на комуналната инспекција изготвени се 16 записници поради безправно и самоволно приклучување на канализациона линија. Поднесени се и 6 барања за поведување на прекршочна постапка до Основниот суд во Гевгелија.