Општина Гевгелија и општина Валандово заеднички го реализираат проектот ˝Заедничко планирање-клуч за оддржлив економски развој˝, кој од Програмата на УНДП за меѓуопштинска соработка доби грант од 20.000 евра.

Во рамките на овој проект што го реализира Агенцијата за локален развој во Гевгелија ќе биде изработен туристички акционен план за Гевгелиско-Валандовскиот регион.Исто така, ќе биде изработена електронска база на податоци за сите фирми во регионот, како и инвестициона мапа за инвестирање.

Со тоа ќе се создадат услови за подобра бизнис клима и сите неопходни информации за заинтересираните инвеститори.