Во рамки на програмата за „Новогодишниот базар“ што го организира Општина Гевгелија, граѓаните се поканети да уживаат во празничната атмосфера, музика, детска програма и богата понуда од локални излагачи. Настанот ќе се одржи од 24 до 31 декември 2025, на Градскиот плоштад.
Програмата започнува на 24 декември, од 18:00 до 20:00 часот со Дедо Мраз и Детскиот музички фестивал „Калинкa 2025“. На 25 декември, исто така, од 18:00 до 20:00 часот, следува Face painting за деца. На 26 декември, од 18:00 до 19:00 часот, ќе настапи Танцовото студио „Мистик“, а на 27 декември, од 17:00 до 19:00 часот, DJ Razal Vetalj и DJ Licen со своите сетови ќе ја подигнат атмосферата.
На 28 декември, од 17:00 до 18:00 часот, настапува Ансамблот „Бојмија“, а на 29 и 30 декември од 18:00 до 19:00 часот, следува шоуто на Кристијан Бенито, аниматор за деца и жонглер. Програмата ќе заврши на 31 декември со празнична музика која ќе трае цел ден.
Посетителите ќе можат да разгледуваат штандови со рачни изработки, локални производи и слатки задоволства.
Општина Гевгелија ги повикува граѓаните да се придружат и да го доживеат празничниот дух на базарот.
powered by Borlabs Cookie 