По свеченото отворање и пуштањето во употреба на Улицата „Св. Климент Охридски“- Западен булевар, со што беше означена третата фаза од реализацијата на Поектот, Општина Гевгелија започна со активностите за поставување современи канделабри за улично осветлување. Со ова, улицата не само што значително го олеснува сообраќајот, туку и го зголемува нивото на безбедност за сите учесници во сообраќајот, особено во вечерните часови. Западниот булевар, како една од клучните сообраќајници во градот, со осветлувањето ќе го добие целосниот современ и функционален изглед.
– Со ова покажуваме дека секој проект го доведуваме до целосна реализација, обезбедувајќи Гевгелија да расте како модерен, уреден и безбеден град за сите наши граѓани- изјави градоначалникот на општина Гевгелија, Андон Сарамандов, по започнувањето на активностите за инсталацијата на јавното осветлување на улицата „Св. Климент Охридски“- Западен булевар.
powered by Borlabs Cookie 