Утре (11 декември 2024 година), ЈОУ Библиотека „Гоце Делчев“- Гевгелија ќе им ги додели наградите на учесниците- ученици од гевгелиските основни училишта и СОУ „Јосиф Јосифовски“- Гевгелија на Литературниот и Ликовниот конкурс по повод Месецот на книгата 2024 година. Како што велат од Билиотеката, на Литературниот конкурс, учесниците можеа да пишуваат есеи на темите: „150 години од раѓањето на Крсте Мисирков“ и „Македонскиот јазик низ вековите и денес“ и раскази на слободна тема. Додека, на Ликовниот конкурс, учесниците требаа да творат дизајн на корица од книга.
Ќе бидат доделени вкупно 9 награди на најдобрите автори, чиишто дела беа оценувани од стручни комисии, составени од професори по македонски јазик и ликовни уметници. Како и дипломи и благодарници на сите учесници и ментори. Доделувањето на признанијата ќе започне од 13:30 часот, во ЈОУ Библиотека „Гоце Делчев“- Гевгелија.
powered by Borlabs Cookie 