Врз основа на член 15 од Законот за меморијални споменици и спомен-обележја, Одоборот за подигање на спомен-обележје – Скулптура на Илија Џаџев врши јавно излагање на пристигнатите идејни проекти. Имено, на Конкурсот за изработка на идеен проект за подигање спомен-обележје – Скулптура на Илија Џаџев, пристигнаа 2 апликации под шифри „Еклипса“ и „Софија“.
Идејното решение за скулптурата на Илија Џаџев под шифра „Еклипса“ е претставено во седечка положба на детаљ од клупа, а инструментот хавајка е поставен над колената во лебдечка положба како постмодернистичко решение. Подножјето има форма на шестар за мерење меридијани или географски растојанија, симболизирајќи ги пасијата на Џаџев за шетање, неговата професија- професор по географија и авантуристички и поетски дух. Портретот е работен од фотографии на коишто Илија Џаџев е на возраст од 25 до 35 години, а фигурата или актот е во минимална издолженост како би се доловила одредена идеализација. Палтото е контролирано разиграно за да се избегне здрвеноста на позата со апстракни потези.
*десен клик на сликата и опција open image in new tab за поголем приказ на сликата
Идејното решение за скулптурата на Илија Џаџев под шифра „Софија“ е претставено во седечка положба на обична клупа. Хавајската гитара е претставена пред него на сопствениот троножец. Облечен е во костум со вратоврска, облека која ја носел на своите концерти. Телото е благо наклонето напред за да се истакне актот на свирење и животната енергија на движењето. Лицето му се смирено и со блага насмевка. Клупата е едноставна како не би се нарушила присутната естетитка. Целокупното идејно решение го претставува неговиот слободен и авантуристички дух, потсетува на убавината на музиката, веселите и ведри амбиенти што ги создавал и спонтаните моменти од животот на Џаџев.
*десен клик на сликата и опција open image in new tab за поголем приказ на сликата
Согласно Конкурсот, Скулптурата на Илија Џаџев треба да биде поставена пред Народниот театар- Гевгелија.
powered by Borlabs Cookie 