На 27 ноември 2024 година, на сцената во Народниот театар- Гевгелија, ќе биде одиграна театарската претстава „Кавадаречки пастуви“ од репертоарот на ЈОУ Дом на култура „Иван Мазов- Климе“ – Кавадарци, а во изведба на анасамблот при Аматерскиот театар. Почетокот на претставата е во 19:00 часот. Влезот чини 150 денари, а билетите се пуштени во продажба и можат да се набават во Народниот театар- Гевгелија, од 08:00 до 15:00 часот и на самиот ден пред почетокот на претставата. Претставата е наменета за публика на возраст 18+.
Режијата и адаптацијата е на Диме Коцевски, а сценографијата на Диме Темков и Тони Туриманџов. Во претставата играат: Диме Боцев, Видан Станоев, Сашко Орешков, Цветанка Прочков, Ристе Стојанов, Александар Стојков, Александар Видиков, Александар Малинков и Диме Коцевски.
