МЕГА Шопинг Парк нуди повеќе од 500 работни позиции за професионалци и таленти од регионот
Во пресрет на официјалното отворање на еден од најголемите проекти во регионот, МЕГА Шопинг Парк Гевгелија ги отвора вратите за сите кои се во потрага по нова кариера и професионален развој. Големиот Саем за вработување ќе се одржи во вторник, на 7 април, во спортската сала ДТВ „Партизан“, каде од 09:00 до 17:00 часот, заинтересираните кандидати ќе можат директно да аплицираат за некоја од повеќе од 500-те отворени работни позиции кај водечките светски и домашни брендови.
Related posts
Доаѓањето на МЕГА Шопинг Парк во Гевгелија означува нова етапа за локалната економија и поттик за локалниот пазар на труд. Овој настан е наменет за сите професионалци во секторите продажба, угостителство, логистика и менаџмент кои сакаат да станат дел од првиот голем шопинг комплекс од ваков вид во овој дел на државата.
Официјалниот дел на настанот ќе го отворат генералниот директор на МЕГА Шопинг Парк, г-дин Сотирис Гианакуикис, и градоначалникот на Општина Гевгелија, г-дин Андон Сарамандов. Тие заеднички ќе го означат почетокот на процесот на екипирање на тимовите, ставајќи акцент на значењето на овој проект за зајакнување на деловната клима и создавањето нови перспективи за кадар од Гевгелија и околината.
Во текот на целиот ден, посетителите ќе имаат можност за непосреден разговор со одговорните лица од компаниите, да ги достават своите биографии за повеќе различни позиции и детално да се информираат за условите за работа. Целта е кандидатите на лице место да добијат јасна слика за идните ангажмани и професионалните можности што ги нуди овој центар.
Ги повикуваме сите заинтересирани кои се подготвени за нов кариерен предизвик да ја искористат оваа можност и да станат дел од тимот на најусовремениот шопинг парк во регионот.