Во рамки на јавната расправа по Нацрт-Буџетот на Општина Гевгелија за 2025 година, градоначалникот на општина Гевгелија, Андон Сарамандов, оствари работна средба со претседателите на месните заедници во општина Гевгелија. На средбата, беше презентиран Нацрт-Буџетот на Општина Гевгелија за 2025 година, така што на месните заедници им беше овозможено директно да учествуваат во креирањето на Општинскиот буџет. Имено, претседателите на МЗ во јавната расправа ги изнесоа потребите на жителите во населените места, во прв ред за подобрување на патната и комуналната инфраструктура, како и изградба на детски игралишта.
На средбата, градоначалникот Андон Сарамандов потенцираше дека сите изнесени барања и предлози се во надлежност на Општината, така што ќе бидат вградени во Буџетските програми за комунално уредување и за локални патишта и улици за 2025 година.
Related posts
Јавната расправа по Нацрт-Буџетот на Општина Гевгелија за 2025 година продолжува денеска, во Народниот театар- Гевгелија, со почеток во 18:00 часот. На јавната расправа можат да учествуваат сите граѓани од општина Гевгелија и да учествуваат во одредувањето на потребите од јавен интерес и од локално значење за претстојната година.
