Градоначалникот на општина Гевгелија, Андон Сарамандов, оствари средба со основачите на првиот Пинг-понг клуб „Гевдион 2023“ од Гевгелија. На средбата стана збор за почетоците и работата, потребната инфраструктура и заложбите на клубот за напредок и развој.
Сарамандов го истакна своето задоволство што постојат ентузијасти во нашето општество кои дел од своето време и енергија ја вложуваат за придонес во спортот и подобрување на животните навики кај младите. Но, и што за првпат во историјата на градот е формиран ваков спортски клуб. Истовремено, како Градоначалник, ја изрази својата поддршка и поддршката од Општина Гевгелија во работењето на Клубот за поголема вклученост на младите во спортот и нивниот правилен развој.
