Нови детски игралишта се изградени и во населените места: Ново Конско, Мрзенци и Кованец. Со обезбедената урбана опрема за деца и поставувањето модерна и безбедна подлога, се изградени вкупно шест со сè трите игралиштата во Богордица, Негорци и Прдејци. По нивната изградба, најмалите граѓани од овие населени места имаат услови за безгрижно и среќно детство со нови содржини.
– Обезбедувањето подобри услови за нашите деца и овозможувајќи им детство исполнето со многу насмевки се еден од мотивите за кои се бориме и работиме! Продолжуваме со реализација на ветените проекти кон нашите сограѓани. Изминатиот период, заврши изградбата на последните три од вкупно шест детски игралишта во шест населени места во Гевгелија. Истите се изградени по сите стандарди со високо квалитетна мека подлога, нови реквизити, урбана опрема, како и целосно уредување на просторот. Новите детски катчиња ќе придонесат најмладите квалитетно да го поминуваат слободното време со многу нови содржини. Општина Гевгелија заслужува да биде поубаво место за живеење со многу нови содржини – истакна градоначалникот на општина Гевгелија, Андон Сарамандов.
