Советот на Општина Гевгелија, на 68. седница, го усвои Кварталниот извештај за извршување на Буџетот на Општина Гевгелија зa 2025 година, за период јануари – јуни. Од вкупно проектираниот Буџет на Општина Гевгелија за 2025 година, во висина од 839.325.393 денари, реализирани се вкупно приходи во висина од 385.859.333 денари или 45,97%, од кои 10.358.236 денари капитални приходи, а 375.501.097 денари оперативни приходи.
Од планираните приходи во Основниот буџет во висина од 432.791.337 денари, во периодот од 01.01. – 30.06.2025 година, реализирани се 47,13% или 203.978.323 денари. Од кои 193.620.087 денари се тековно оперативни приходи, а 10.358.236 денари капитални приходи.
Исто така, реализирани се 46,37% или 168.920.467 денари од планираните 364.285.718 денари приходи од дотации, 23,01% или 4.869.337 денари од планираните 21.274.044 денари приходи од донации и 38,45% или 8.064.206 денари од планираните 20.974.392 денари пријоди од самофинансирачките активности на буџетските корисници од дејноста на образование, култура и детска заштита.
Додека, вкупните расходи во Кварталниот извештај учествуваат со средства во висина од 377.660.274 денари, од кои 75.388.954 денари или 19,96% се капитални расходи, а 302.271.320 денари припаѓаат на тековно оперативни расходи. Во структурата на реализираните расходи на Основниот буџет во висина од 203.978.323 денари, капиталните расходи учествуваат со средства во висина од 73.340.803 денари или 35,95%.
Нереализираните расходи, односно приходи во вкупниот Буџет на Општина Гевгелија во износ од 8.199.059 денари од овој извештај се пренесуваат во наредниот период како приходи на блок дотација.
