Танцовото студио „Мистик“ од Гевгелија направи „растур“ на Интернационалниот натпревар во танц “European championships 2024”, што се одржа во Темишвар, Романија. Во силна конкуренција со танцови клубови од 7 европски земји, во категоријата „Хипхоп“ голема група возрасни, Мистичарите го освоија 1. место. Во истата категорија (јуниори) го освоија 2. место, мала група (деца) 1. место, (соло деца) 4. место, (соло јуниори) 2. и 5. место и (возрасни) 3. место. Во категоријата “Street dance show”, „Мистик” ги постигна следниве резултати: (мала група деца) 1. и 2. место, (возрасни) 2. место и (соло деца) 4. место.
Сè на сè, претставувајќи ја гордо Гевгелија и неговата успешна работа, „Мистик“ се врати од Романија со: три први награди, четири втори награди и една трета награда, еден куп пехари, дипломи и медали.
