Советот на Општина Гевгелија, на 57. седница, го усвои Кварталниот извештај за извршување на Буџетот на Општина Гевгелија, за јануари – декември (кумулатив) 2024 година. Од вкупно проектираниот Буџет на Општина Гевгелија за 2024 година, во висина од 677.730.678 денари, реализирани се вкупно приходи во висина од 672.235.552 денари или 99,19%, од кои 81.116.936 денари капитални приходи, а 591.118.616 денари оперативни приходи. Од планираните приходи во Основниот буџет во висина 301.040.568 денари, во периодот од 01.01. – 31.12.2024 година, реализирани се 107,02% или 322.181.345 денари.
Додека, вкупните расходи во Кварталниот извештај учествуваат со средства во висина од 644.308.154 денари, од кои 318.298.198 денари или 18,37% се капитални расходи, а 536.009.956 денари тековно оперативни расходи. Во структурата на реализираните расходи на Основниот буџет во висина од 297.826.633 денари, капиталните расходи учествуваат со средства во висина од 97.221.415 денари или 32,64%.
powered by Borlabs Cookie 