На 28 март 2025 година, Гевгелискиот Регион беше зафатен од невреме проследено со дожд и град. Поради тоа, Општина Гевгелија ги известува граѓаните кои претрпеле штети можат да поднесат барање до Комисијата за процена и утврдување на висината на штетата настаната од природни непогоди и други несреќи при Општина Гевгелија, заклучно со 4 април 2025 година, во периодот од 08:00 до 16:00 часот, во Општина Гевгелија.
Во прилог на барањето, коешто треба да се подигне од пултот на влезот во општинската зграда, граѓаните треба да достават имотен лист, договор за закуп, документи за машини или опрема, документи за жива стока или други документи, во зависност од тоа што е оштетено и копии од лична карта и трансакциска сметка. По што, согласно законските прописи, Комисијата за процена и утврдување на висината на штетата ќе постапи по доставените барања.
