Пијано-дуото „Гелебешеви“ со својот концерт што го одржа вчеравечер, во хотел „Аполонија“, го разведри времето во Гевгелија иако врнеше дожд.
Глигор Гелебешев и Катерија Костадиновска Гелебешева на публиката им понудија едночасовно уживање и позитивни вибрации со изведбата на делата што беа на програмата за Концертот: Увертира кон операта „Поетот и селанецот“- Ф. Фон Супе, Увертира кон операта „Танхојзер“- Р. Вагнер, Увертира кон операта „Страчката грабливка“- Џ. Росини и 6 пиеси од С. Рахмањинов: „Баркарола“, „Скерцо“, „Руска тема“, „Валс“, „Романса“ и „Слава“. За виртуозниот настап, дуото доби громогласен аплауз од публиката, во којашто беше присутен и градоначалникот на општина Гевгелија, Андон Сарамандов.
Концертот на пијано-дуото „Гелебешеви“ е дел од манифестацијата „Гевгелија град на културата за 2025 година“.
