Во рамки на активностите за промоција пред јавноста на мерките и активностите кои произлегуваат од Оперативниот план за активните програми и мерки за вработување и услуги на пазарот на трудот за 2025 година, Министерство за економија и труд, утре- 24.06.2025 година, во Малата сала на Народен театар- Гевгелија, организира информативен ден за граѓаните. Настанот ќе започне во 13:00 часот.
На овие средби покрај заменик-министерот за економија и труд, Марјан Ристески, ќе биде присутен и градоначалникот на општина Гевгелија, Андон Сарамандов, како и претставници од Општина Гевгелија, околните општини, Агенцијата за вработување и Агенцијата за поддршка на претприемништвото. На инфо-деновите се поканети стопанските комори, здруженија на занаетчии, здруженија на млади и сите граѓани кои сакаат подетално да се информираат за Оперативниот план за вработување и останатите мерки на Министерството за економија и труд. Изјави за медиумите се предвидени пред почетокот на настанот.
powered by Borlabs Cookie 