Континуирани вложувања за подобрување на воспитно-образовниот процес: нов систем за греење и ладење во „Владо Кантарџиев“ и внатрешно уредување во „Крсте Мисирков“

Во Основните општински училишта „Владо Кантарџиев“ и „Крсте Мисирков“, значително се подобрени условите за реализација на воспитно-образовниот процес. Имено, ООУ „Владо Кантарџиев“- Гевгелија и подрачните училишта во населените места Богородоцица и Мрзенци добија нов систем за греење и ладење. За таа цел, беа поставени 23 инвертер-клими, со што реализирано е уште едно ветување на градоначалникот на општина Гевгелија, Андон Сарамандов, од предизборната програма за 2021 година. Притоа, за успешна реализација на наставата и збогатување на надгледните средства, исто така, се набавени 24 смарт табли.

Градоначалникот Сарамандов, заедно со членот на Советот на Општина Гевгелија, Андријана Бегова и директорката на ООУ „Владо Кантарџиев“- Гевгелија, Ружица Икономова, извршија увид во Училиштето по инсталирањето на инвертер-климите.

Related posts

Реконструирана „Елена Минчева“, кошаркарскиот терен во Миравци ќе добие тартан подлога

февруари 20, 2025

Советот на Општина Гевгелија ќе заседава на 26 февруари

февруари 20, 2025

Претходно, за подобрување на воспитно-образовниот процес, беа реализирани повеќе зафати и проекти. Имено, во дворот на ООУ „Владо Кантарџиев“ беше изградено ново детско катче, како и други занимливи содржини за најмалите. Во Подрачното училиште во Богородица се изврши замена на подовите, а во Подрачното училиште во Мрзенци беа извршени фасадерски работи во сите простории.

ООУ „Крсте Мисирков“- Гевгелија доби нов модерен лик со целосната замена на плочките, реконструкција на внатрешната заштитна ограда, а, исто така, се набавија и нови столчиња за децата. За што, градоначалникот Сарамандов, заедно со директорот Ѓорги Стамков, направија увид во реализираните активности. Претходно, во ова училиште беа целосно ренновирани тоалетите со нови плочки и санитарна опрема. За успешна реализација на воспитно-образовниот процес, ќе бидат поставнени и мултифункционални табли.

– Продолжуваме со вложување во квалитетно образование, подобрување на училишната инфраструктура и правилен развој на младите во сите училишта институции. Наш мотив е децата да се чувствуваат убаво и пријатно во училишниот престој затоа што секое дете има право на еднакви услови во образовниот процес- истакна градоначалникот Сарамандов.