Дел од јавната површина околу станбениот комплекс што се наоѓа на улицата „Сава Михајлов“, е партерно уредена по завршувањето на градежните активности за асфалтирање на истоимената улица и „Леонид Јанков“.
Градоначалникот на општина Гевгелија, Андон Сарамандов, истакна дека ова е уште едно исполнето барање на станарите, со тоа што местото доби подобар изглед, а граѓаните пристоен пристап до своите домови. Како што наведе, со години се соочувале со лошите услови и проблемот со одведувањето на атмосферските води. Притоа, најави дека наскоро на оваа површина ќе биде и хортикултурно уредена.
