Може ли една „Распеана чаршија“ да не започне со дефиле низ гевгелиските улици и без изведба на двете химни „Трба, трби гевгелиско“ и „Гевгелија, цветна градина“?! Традиционалната манифестација на староградски песни и музика којашто ЈОУ Дом на култура „Македонија“- Гевгелија, ја организира по повод Спасовден, вчера, се одржа под ведрото небо, во дворот на манастирот „Св. Спас“.
Амбасадорите на староградската песна и музика, културно-уметнички друштва и ансамбли од Гевгелија, Валандово, Струмица и Штип: „Распеани гевгеличани“, Пејачката група на Здружението на пензионери „Сава Михајлов“, „Распеани валандовчани“, „Распеани струмичани“, „Распеани штипјани“ и вокалната група „Ѓердан“, во предвечерието на гевгелискиот панаѓур успешно се претставија со нивниот репертоар.
Манифестацијата ја отвори директорот на ЈОУ Дом на култура „Македонија“- Гевгелија, Мирјана Крстева Массетти, изразувајќи го своето задоволство што токму во предвечерието на Спасовден, „Распеана чаршија“ се одржува во манастирскиот двор, поздравувајќи ги присутните и сите учесници. Обраќање имаше и протоерејот-ставрофор при Гевгелиското Архиерејско намесништво, Љупче Миланов, кој истакна дека македонската песна е една од најубавите молитви за радување и славење на животот, што е доказ за опстојување на македонскиот народ низ вековните искушенија.
![](https://www.gevgelija.gov.mk/wp-content/uploads/2024/06/448097188_437340255599532_4338584422867624505_n-1-1024x745.jpg)
![](https://www.gevgelija.gov.mk/wp-content/uploads/2024/06/448109440_437340198932871_765112176975178047_n-1024x768.jpg)
![](https://www.gevgelija.gov.mk/wp-content/uploads/2024/06/448113669_437340175599540_4203043332780709128_n-1024x683.jpg)
![](https://www.gevgelija.gov.mk/wp-content/uploads/2024/06/448096713_437340448932846_3180373757200976788_n-1024x683.jpg)
![](https://www.gevgelija.gov.mk/wp-content/uploads/2024/06/448098021_437340642266160_8442334845514726445_n-1024x683.jpg)
![](https://www.gevgelija.gov.mk/wp-content/uploads/2024/06/447893151_437340545599503_7070909314775152856_n-1024x683.jpg)
![](https://www.gevgelija.gov.mk/wp-content/uploads/2024/06/448095223_437340692266155_2663411554650143055_n-1024x683.jpg)
![](https://www.gevgelija.gov.mk/wp-content/uploads/2024/06/448097210_437340352266189_5430759753091159449_n-1024x683.jpg)
![](https://www.gevgelija.gov.mk/wp-content/uploads/2024/06/448054467_437340468932844_327370335084714424_n-1024x683.jpg)
![](https://www.gevgelija.gov.mk/wp-content/uploads/2024/06/448097135_437340432266181_2122796378817785409_n-1024x683.jpg)