Во просториите на игротеката “Kiddy Adventure“ успешно беше реализирана Обуката за здрава исхрана за деца, со цел подигнување на свеста за важноста на правилната исхрана од најмала возраст. Обуката беше реализирана преку интерактивен пристап и ги запозна малите учесници со основите на здрава и балансирана исхрана.
Целната група беа деца. Во текот на обуката, децата учествуваа дискусиите за клучните принципи на здрава исхрана – кои намирници треба да бидат редовен дел од нивната исхрана, а кои треба да се избегнуваат. Преку разни примери и активности, дечињата имаа можност да научат за важноста на зеленчукот, овошјето и протеините во нивната исхрана, како и за негативните ефекти на преработената храна и слатките.
Related posts
Обуката вклучуваше и практична работилница, со можност децата да дадат свои идеи за здрава исхрана. Преку групни активности и игри, учесниците научија како да избираат здрава храна и да ја разликуваат од нездравата, но и како да ги прават здравите избори секојдневно.
Обуката беше организирана од ЛАГ „Бојмија“, заедно со партнерите: Нутриционист Валентина Глигорова „БИДИ ЗДРАВ“, „ЈОУДГ Детска Радост – Гевгелија“,„ООЦК Црвен крст Гевгелија“, „Маркети Солун 53“ како и „ Мрежата за рурален развој“ кои придонесоа за успешното реализирање на обуката за здрава исхрана. Поддршката од партнерите е клучна за обуката да биде успешна и корисна за дечињата. Целта на овие обуки, е да се продолжи да се работи заедно и да се создаваат нови можности за едукација за здрав начин на живот, каде што поддршката од локалната заедница е најзначајна.
