Со Концертот на мандолинскиот оркестар „Полифонија Стрингс“, официјално започна културно-уметничката манифестација „Гевгелиско културно лето“. Програмата официјално ја отвори директорот на ЈОУ Дом на култура „Македонија“- Гевгелија, Мирјана Крстева Массетти најавувајќи им на публиката и јавноста интересни содржини во организација на ЈОУ Дом на култура, Библиотека „Гоце Делчев“- Гевгелија и ЈОУ Пионерски дом „Јосип Броз Тито“- Гевгелија. По што, на платото пред Народниот театар- Гевгелија, за првиот ден од културното лето на гевгеличани, „Полифонија Стрингс“ настапија со аранжмани на познати вокални и инструментални обработки.
Членовите на „Полифонија Стрингс“ се поранешни членови на мандолинскиот школски оркестар на ООУ „Страшо Пинџур“ од село Јосифово. Мотивацијата и ентузијазмот на мандолинскиот оркестар се насочени кон продолжување, проширување и унапредување на музичката култура и наобразба на неформален начин на локално и пошироко ниво.
![](https://www.gevgelija.gov.mk/wp-content/uploads/2024/06/0eaec8d6-fb8d-404c-bbf4-7485bb33a258-768x1024.jpg)
![](https://www.gevgelija.gov.mk/wp-content/uploads/2024/06/CVBvRB7t-1024x770.jpg)
![](https://www.gevgelija.gov.mk/wp-content/uploads/2024/06/6c40c1a1-4635-478e-95d1-94d52a061e19-1024x768.jpg)
![](https://www.gevgelija.gov.mk/wp-content/uploads/2024/06/32dd1e3d-9dcb-485d-b082-c2a5c7636d58-1024x763.jpg)
![](https://www.gevgelija.gov.mk/wp-content/uploads/2024/06/799e943d-35aa-4bbc-88ff-a117a6a09243-1024x770.jpg)