Советот на Општина Гевгелија, на 14. седница, го усвои Кварталниот извештај за извршување на Буџетот на Општина Гевгелија за 2026 година, кој се однесува на периодот јануари – јуни.
Финансискиот пресек покажува дека од вкупно проектираната каса од 970.759.276 денари, во првите шест месеци Општината реализирала приходи во износ од 434.159.722 денари (или 44,72,48%). Во структурата на остварените приходи, оперативните приходи заземаат 390.869.694 денари, додека 43.290.028 денари се капитални приходи.
Највисок степен на реализација бележи Основниот буџет, каде што од планираните 513.025.237 денари, во периодот од 01.01 до 31.03.2026 година се реализирани 248.588.604 денари (48,45%). Приходите од дотации бележат реализација од 47,55% (192.125.931 денар) од предвидените 404.060.062 денари, додека приходите од донации се остварени со 31,00% (9.571.028 денари) од планираните 30.872.648 денари. Самофинансирачките активности на буџетските корисници од дејностите образование, култура и детска заштита оствариле 7.624.778 денари, што претставува 33,44% од планот од 22.801.329 денари. Остварените капитални приходи во вкупниот буџет учествуваат со 3,38% (14.668.236 денари), додека во Основниот буџет учествуваат со 6,53% (14.668.236 денари).
На расходната страна, вкупните реализирани трошоци во Кварталниот извештај изнесуваат 419.026.823 денари. Од нив, капиталните расходи учествуваат со 95.695.370 денари (22,84%), а 232.331.453 денари се однесуваат на тековно-оперативни расходи. Во структурата на реализираните расходи на Основниот буџет во висина од 224.837.985 денари (43,83% од планираните 513.025.237 денари), капиталните расходи учествуваат со 91.171.189 денари или 40,55%, додека останатиот дел се однесува на тековно-оперативни расходи од 133.667.796 денари.
Градоначалникот на општина Гевгелија, Андон Сарамандов, во рамки на расправата за Кварталниот извештај за реализацијата на Буџетот за вториот квартал од годината, се осврна на клучните финансиски показатели и порача дека оваа реализација на Буџетот за 6 месеци е одлична што овозможува според планираното да се реализираат програмските активности кои беа предвидени за 2026 година, додавајќи дека истовремено се сервисираат обврските што Општината ги има и се исплаќаат задолжувањата, со надеж дека Завршната сметка на крајот ќе покаже високи проценти на реализација.
